Vyf minute met Nathan Smith

Die bekroonde kitaarspeler, sanger, liedjieskrywer en sessiemusikant, Nathan Smith, se nuwe album is nou beskikbaar. Lees meer in vandag se artikel.

Nathan Smith het die afgelope ruk nie net een nie, maar twee enkelsnitte vrygestel... en net soos die nuus dat ’n nuwe album op die horison wink, het dié vrystellings reeds groot opwinding op sosialemedia, maar ook onder bekendes in die vermaakbedryf veroorsaak. 

 

Nathan is veral bekend vir sy werk as sessiemusikant en 'n gesoute musikant met ses-en-twintig jaar se ondervinding in die musiekbedryf.

 

Closer is die eerste enkelsnit wat op Maandag 25 Mei aan radiostasies landswyd uitgereik is.  Dit is 'n liedjie wat hom na aan die hart lê. Nathan het Closer – sy eerste gospelliedjie – geskryf en dit gaan oor hoe dankbaar hy is om die Skepper se kind te wees.  

 

Decisions, ’n liedjie oor hoe liefde en verhoudings nie altyd uitwerk soos wat jy gedink het dit moet of wanneer dit moet nie, het gevolg en is op Donderdag, 28 Mei landswyd uitgereik.

 

Albei hierdie enkelsnitte is geneem vanaf sy album, Here’s to the Now wat pas op alle difitale platforms vrygestel sal word en twaalf oorspronklikke snitte sal bevat. Hierdie album word reeds geloof deur baie van sy mede-musikante en groot aanhangers van sy werk in die bedryf.

 

Ons het meer oor die album en die man agter die musiek gaan uitvind:

 

VERTEL ONS MEER VAN JOU NUWE ALBUM?
“Here’s To The Now is ’n lige akoestiese rock-album en sluit lewensverhale oor myself en ander mense in. Die tema is basies om vir vandag te leef, nie oor môre bekommerd te wees nie en uit die verlede te leer.”

HOE MOET MENSE JOU MUSIEK ERVAAR?

“Ek wil hê dat mense daarby moet aanklank vind en waardering moet hê vir die kuns daaragter.”

WAT WAS DIE GROOTSTE UITDAGINGS VERBONDE AAN DIE OPNAME VAN DIE ALBUM?

“Omdat ek so ’n wye musikale agtergrond het, was dit vir my nogal moeilik om die klank van die album vas te stel en daarby te hou.”

HOEKOM IS DIE ALBUM UNIEK?

“Die liedjies is lekker om na te luister, is goed verwerk en mense sal met die temas kan vergelyk.”

WAT IS JOU PLANNE VIR DIE TOEKOMS?

“Om soveel as moontlik optredes te doen om my musiek aan almal bekend te stel en om eendag in Europa te gaan toer.”

DEEL JOU GROOTSTE LOOPBAANHOOGTEPUNT SOVER?

“Om deel te kon wees van verskeie Sokkerwêreldbekerkonserte in 2010 wat baie mense gelok het.”

WAT INSPIREER JOU OM SEKERE MUSIEK TE SKRYF EN TE SING?
“Om mense te vermaak en lekkerluister-musiek te skep.”

AS JY ’N ANDER LOOPBAAN MOES KIES, WAT SOU DIT WEES EN HOEKOM?

“Ek sou ’n geoktrooieerde rekenmeester geword het, maar het op die laaste minuut my loopbaankeuse na musiek toe verander.”

VERTEL ONS IETS WAT NIEMAND VAN JOU WEET NIE?

“Ek is ’n oggendmens en funksioneer dan op my beste. Anders as ander musikante, staan ek elke oggend 05h30 op.”

Wanneer jy hom vra hoe hy oor sy nuwe enkelsnitte en album voel, sê hy: “Ek is mal daaroor dat dit my instaat stel om met met mense se harte te praat en ’n dieper vlak van emosie en empatie kan oordra deur middel van musiek. Ek wil hê dat luisteraars moet aanklank vind by die stories agter die lirieke, maar ook steeds die kuns in my musiek waardeer.” 

Volg hom op sosiale media:

Facebook, Twitter, Instagram, YouTube, Webblad.