“Finansiële onafhanklikheid beteken beweeglikheid, keuses en vrye tyd”

 

Finansiële vryheid word omskryf as die stadium wat bereik word wanneer 'n persoon se passiewe inkomste hoër bly as sy/haar lewenskoste. Dié ideaal is nie vir baie beskore nie, maar dit impliseer vrye tyd sonder om inkomste op te offer. 

Volgens Genesis Analytics is meer as 90% van Suid-Afrikaanse afgetredenes nie in staat om die lewenspeil te handhaaf waaraan hulle voor aftrede gewoond was nie (met verwysing na inkomstevlakke van tussen 75% en 80% voor aftrede). As gevolg van lae inkomste en stygende lewenskoste sukkel jong volwassenes om finansieel onafhanklik te word. Daarom is ouers se vermoë om gedurende die laaste ekonomies aktiewe fase voor aftrede spaarfondse op te bou, nie meer wat dit in die verlede was nie. Finansiële markte is wisselvallig oor die kort termyn, maar lewer betroubare opbrengste oor die lang termyn. Konvensioneel – Betaal jouself eerste ('n goeie riglyn is 15% tot 18% van bruto inkomste) deur via 'n debietorder in 'n weldeurdagte langtermyn-beleggingsplan te belê. Maak seker dat jy al jou belastingvoordele benut deur in 'n kombinasie van uittree-annuïteite en belastingvrye spaarrekeninge te belê. Kry genoeg blootstelling aan risikobates, maar vermy permanente verlies aan kapitaal ten alle koste. Moenie kitsrykword-skemas oorweeg nie, want dit gaan jou duur te staan kom – indien nie vroeër nie, beslis later wanneer die risiko’s hoog en moontlik onverhaalbaar is. Onkonvensioneel – Toets besigheidsidees terwyl jou risiko’s/kapitaaluitgawe klein is. Watter idee jy ook al oorweeg, maak seker jy is deel van die besluitneming en bestuur van jou beleggingskapitaal. hoeveel jy aan caffè lattes, klaargaar-etes of klere bestee hoe gereeld jy jou foon/motor opgradeer hoe gereeld jy huisverbeterings aanbring of 'n duur vakansie geniet.  Kom ons fokus op die elemente waaroor ons beheer het 1. Risikobestuur/veiligheid eerste – groot geeste, idees en besighede het al gefaal en nie hul doelwitte bereik nie omdat hulle nie hul risiko’s goed bestuur het nie. Maak seker dat jou verdienvermoë, finansiële afhanklikheid, skuld/laaste koste, gesondheid en eiendom behoorlik verseker is, om jou finansiële risiko tot 'n aanvaarbare vlak te verlaag. Terwyl Covid-19 nog vars in die geheue is, moet ons nie onderskat hoe onvoorsiene gebeure langtermyn- finansiële planne kan laat ontspoor nie. Moenie die fout maak om nie finansieel onverhaalbare gebeurlikhede te verseker nie. 2. Belê met die doel om langtermyn- passiewe inkomstestrome te skep 3. Besteding – Beheer uitgawes en leef sinvol, maar spaarsamig. Dit beteken dat jy kreatief volgens jou eie standaarde leef, maar wat nog belangriker is, is om dop te hou:  4. Skuld – Vermy slegte skuld ten alle koste. Belê eerder in items waarvan die waarde mettertyd kan toeneem, soos 'n besigheid of vaste eiendom. 5. Jou loopbaan en inkomste – Nadat jy onmiddellik aandag gegee het aan die uitvloei-gedeelte van jou begroting, kyk na die inkomstegedeelte en oorweeg hoe dit verhoog kan word. Hoe kan die waarde van die oplossings wat jy aan ander verskaf, verhoog word? 6. Aftrede – Tree eers af wanneer jy finansieel onafhanklik is. Onderhandel vooraf oor 'n aftree-ouderdom wat jou finansiële behoeftes sal pas, of begin beplan om van werk/loopbaan te verander. Aftree-ouderdom is een van die grootste bepalende faktore om finansiële onafhanklikheid te bereik. Vir dié wat onvoorbereid is, bring aftrede finansiële verlamming. Die menslike natuur se besluitnemingsraamwerk van gierigheid en vrees is meer algemeen as wat jy dink. Raadpleeg jou finansiële adviseur om potensiële risiko-“blindekolle”’ en jou beleggings met die oog op finansiële onafhanklikheid te help bestuur. Skrywer Richus Nel, PSG Wealth Adviseur. Bronne: Business Tech, CNBC Foto: Freepik