Annemarie van Eeden stel op 26 Augustus haar nuwe enkelsnitte vry. Ons het die vrou agter die musiek beter gaan leer ken en
deel vyf vinnige feite oor haar met jou...
Vertel ons vyf interessante dinge oor jou:
1. Ek is een van ʼn tweeling.
2. Ek hou van visvang.
3. Ek het eens op ʼn tyd ʼn lang pragtige pyp
gerook. Dit het alles oor die Gatsby look en geurige kersie-tabak
gegaan. Dit het ʼn week gehou!
4. Ek dans met my hond op musiek – treffers
uit die 80’s – wanneer niemand kyk nie.
5. Ek het op universiteit baskitaar gespeel. So ʼn mooi funky rooie.
Vertel ons meer oor die enkelsnit wat jy gaan vrystel:
“WYS MY DIE PLEK is ’n sielvolle ballade wat gaan oor die hunkering na verlore liefde wat ’n paartjie eens op ’n tyd gedeel het.
Die liedjie sal vanaf 26 Augustus aanlyn beskikbaar wees.
Foto: Donna Stevens
Comments
Post a Comment